باش تكون عندك جاذبية خاصك تركزي فالتفاصيل (للمغربيات فقط)

باش تكون عندك جاذبية خاصك تركزي فالتفاصيل لان هي لي غاتبرز جمالك وهوما كالتالي


عينيك :

ديري الكحل وجبديهم و نعسي بكري وخليهم يلمعو ويكونو ناصعين وكبار ودهنيهم قبل ماتنعسي بزويتة بوغ صا صحاب العينين كبار كايخليوك ترتاح ويعاودلك اسرارهم فهادي علامة البراءة


حجبانك :

ماتعليهم ماترققيهم باش ماتبانيش شريرة وتمسحي البراءة من وجهك خليك طبيعية ولا كانو مخصرين قاديهم ولكن ماتغيريش شكلهم
والاهم المسافة بين الجبهة والحاجب تكون قدها قد المسافة بين الحاجب وقاعدة الانف وقدها قد قاعدة الانف والدقن .. والدقن العريض والحجبان الغلاض كايدلو على قوة الشخصية ..


البشرة :

باش تكوني مميزة خاصك كيف قلت تركزي فالتفاصيل يعني اي حاجة فوجهك نقيها وقاديها صفيها


الفم :

ديما خاص تكون ابتسامة على وجهك وتكون حقيقية و بريئة ومحترمة يتكمشو العوينات ويبانو السنينات وتجنبي ضحكة صفراء او مصطنعة .


الاسنان :

ديما يكونو بيضين ديريلهم ليباك او حكيهم او كل ليلة ديري فرماج مثل كيري مالح دون سكر حطيه عليهم قبل النوم كايحارب التسوس وكايبيض وكاين تبييض ب 3500 درهم


الصدر :

كاين المقاس الكبير C والمتوسط M والعادي B خودي لي يناسبك ومايطلعش صدرك يخليه فبلاصتو السوتيان يكون فمنحنى الصدر


المشية :

ماتخرجيش صدرك وسيري مستقيمة راسك لمستقيم وكلك مستقيمة تمشاي بحال الامهات لي كانو يمشيو بحال العارضات هازين الطبق فوق الراس وماكايطيحش هكاك مشي وباش تتعلمي حطي كتاب فوق راسك وتمشاي …


الصباط :

الطويلة رجليها كبار والقصيرة رجليها صغار حاجة عادية ماكاينش العكس الطويلة تاخد 40 لمتوسطة 38 القصيرة 36 ومايكونش الكدم خارج باش مايتشققش ديما يبقا محطوط والسبرديلة يبدل غي سيورها واللوك يبقا مجدد ديما ..

اللسان :

النطق اهم حاجة يعني فاش تكوني كاتهضري ماتزربيش عطي لكل كلمة حقها وطولي الحروف حيت المد كايخلي الهضرة الزوينة وحيدي الشدة من هضرتك وهضري عادي ماتخفضيش صوتك وماتعليش صوتك مع ابتسامة بسيطة فكل كلمة

الشخصية :

مرحة وضاحكة نتي كاتهضري ونتي ضاحكة وكوني متميزة وحيدي التكبر والعياقة والفرونسي حيت مشا وقتهم وطلعو فالراس كوني عفوية وتصرفي علا طبيعتك وطلبي بلفشوش بلا رغيب غي بلفشوش حيت الطليب بلفشوش كايعمر البقشوش واقيلا

Leave a Reply